როგორ ვებრძოლოთ მავნებლებს?
თუ გიყვართ მცენარეები და გაქვთ საკუთარი ეზო, სადაც დარგული გაქვთ სხვადასხვა ბაღჩეული, ხილი თუ ყვავილი, სილამაზისთვის, მაშინ იცით, რა რთულია მავნებლებთან ბრძოლა.
მართალია, უკვე არსებობს ათასგვარი პრეპარატი, რომელიც გვეხმარება აღნიშნულ პრობლემასთან ბრძოლაში, თუმცა ზოგჯერ მაინც წამოყოფს თავს კითხვა: რამდენად უვნებელია შესაწმალი საშუალებები, რომელიც ქიმიური წესით არის გამოყვანილი.
გარდა თანამედროვე საშუალებებისა, არსებობს ბალახეული/მცენარეული ნაყენები, რომლებიც არანაკლებ ეფექტურად ებრძვიან მავნებლებს.
ამ პოსტში დავწერთ სხვადასხვა მცენარეულ ხსნარებზე, რომლის გაკეთებაც თავად, სახლის პირობებში უმარტივესად შეგიძლიათ.
მაშ ასე, დავიწყოთ:
- სააფთიაქო გვირილის ნაყენი
ეს ხსნარი გამოიყენება ბუგრების, ტკიპას, მუხლუხოს და ცრუმუხლუხოსთან საბრძოლველად.
1 კგ. ფოთლებს და ყვავილედებს დაასხით 10 ლ. ცხელი წყალი და გააჩერეთ 12 სთ. დაამატეთ 40 გრ. სარეცხის საპონი ყოველ 10 ლიტრზე.
- ნიახურის ნახარში
გამოიყენება კომბოსტოს ბუზისგან დასაცავად.
4 კგ. დაქუცმაცებული ნიახური ჩაყარეთ 10 ლ. წყალში და ადუღეთ 30 წთ. აცადეთ გაგრილება და ყოველი 2-3 ლიტრი მიღებული ხსნარი გააზავეთ 10 ლ. წყალში.
- ხახვის ნაფრცქვენების ნაწყენი
გამოიყენება ბუგრების და ტკიპას წინააღმდეგ.
200 გ. ხახვის ნაფრცქვენებს დაასხით 10 ლ. თბილი წყალი და გააჩერეთ 5 დღე. გამოყენებამდე გადაწურეთ, რომ გამოაცალკაოთ ნარჩენებისგან.
- კაკლის ნაჭუჭის და ფოთლების ნაყენი
გამოიყენება კოლორადოს ხოჭოს წინააღმდეგ.
300 გრ. კაკლის ნაჭუჭს და 300 გრ. ფოთოლს დაასხით 10 ლ. მდუღარე წყალი და გააჩერეთ ერთი კვირა. გამოყენებამდე გადაწურეთ, რათა გამოაცალკაოთ ნარჩენები.
- წიწაკის ნაყენი
გამოიყენება ბუგრების წინააღმდეგ.
10-15 ცალ წიწაკას დაასხით წყალი და დაალბეთ 1 დღით. შემდეგ თავდახურულ ქვაბში ადუღეთ 5 წუთით (სასურველია ეს მოხდეს გარეთ, რადგან წიწაკას საკმაოდ მძაფრი სუნი აქვს), გადმოდგით ხსნარი, გადაწურეთ და შეურიეთ წყალს პროპორციით 1:10.
აუცილებლად მოასხით ხნარი მცენარეებს მშრალ ამინდში და გაიმეორეთ ყოველ მესამე დღესაც. 10-15 დღის შემდეგ შედეგი თქვენთვისაც თვალსაჩინო იქნება.
- პომიდვრის ნასხლავის ნაყენი
გამოიყენება ბუგრების და მწერების წინააღმდეგ.
პომიდვრის ზედმეტი ნაყარი გაახმეთ, დააქუცმაცეთ და ხარშეთ 20-30 წთ.-ის განმავლობაში. მიღებული ნაყენი გადაწურეთ და შეურიეთ წყალს პროპორციით 1:5.
ჩამოწერილი ხსნარები სასურველია გამოიყენოთ დილაობით, მშრალ ამინდში და არ დაიზაროთ პროცედურის პერიოსულად გამეორება სეზონის განმავლობაში, რათა უკეთეს შედეგს მიაღწიოთ.
ეს ის მეთოდებია, რომლებსაც ტრადიციულად იყენებდნენ მავნებლებთან საბრძოლველად, თუმცა, როგორც უკვე გითხარით, შეგიძლიათ ისარგებლოთ თანამედროვე ხსნარებით, რომლებიც მრავლად იყიდება მაღაზიებში.
გისურვებთ წარმატებას!
