გაზაფხული მოვიდა და განსაკუთრებით აქტუალური გახდა ეზო-კარის გამწვანების საკითხი.

აპრილი ზუსტადაც რომ ის თვეა, როდესაც აქტიურად უნდა დაიწყოთ ნიადაგის მომზადება იმისთვის, რომ ლამაზი, მწვანე საფარით დაფაროთ.

გარდა იმისა, რომ მწვანე საფარი ლამაზია, ის ზაფხულის ცხელ დღეებში სიგრილესაც წარმოქმნის და ჟანგბადის მიწოდების ერთ-ერთი საშუალებაა. ყოველ კვადრატულ მეტრზე მოლი 500-დან 750 ლიტრამდე წყალს აორთქლებს, ვეგეტაციის პერიოდში.

იმისთვის, რომ ლამაზი და ჯანსაღი გარემო შეიქმნათ ზაფხულში, ნიადაგის მომზადება და თესვა სწორედაც რომ გაზაფხულის შუა თვეში უნდა დაიწყოთ.

მოლი იყოფა ორ კატეგორიად: დეკორაციული და სპორტული. ამ შემთხვევაში დეკორაციული საფარის დათესვაზე ვისაუბროთ.

ნიადაგის მომზადება

გაზონის დათესვამდე კარგად უნდა მომზადდეს ნიადაგი, სადაც მოლის ფესვები წარმოიქმნება.

პირველ რიგში მიწა უნდა გაფხვიერდეს და გაიწმინდოს სარეველებისგან და სხვა მცენარეებისგან. ამისთვის შეგიძლიათ გამოიყენოთ ეზოს ხელსაწყო როგორიცაა ფოცხი და სპეციალური ხელთათმანები იმისთვის, რომ ხელები არ დაიზიანოთ.

მას შემდეგ, რაც მიწა გაფხვიერდება და გაიწმინდება, საჭიროა მისი განოყიერება. ნაყოფიერი მიწის სისქრე არ უნდა ჩამოუვარდებოდეს 12-20 სმ.-ს.

თუ ნიადაგი მძიმე და თიხოვანია, მაშინ საჭიროა ქვიშის შერევა, ხოლო ქვიშოვან ნიადაგს ტორფს და თიხნარს ურევენ იმისთვის, რომ მეტად მჭიდრო და წყალშემაკავებელი იყოს.

მიწის გაფხვიერება აუცილებელია იმისთვის, რომ ფუნდამენტის სტრუქტურა იყოს ფოროვანი. ფოროვანი სტრუქტურა უზრუნველყოფს წყლისა და ჰაერის მიწოდებას მცენარეებისთვის.

ფესვწარმოქმნის ნიადაგის მომზადებისას აუცილებელია მინერელური სასუქების გამოყენება.

წარმოგიდგენთ სასუქის დოზირებას სხვადასხვა ნიადაგებისთვის (კგ/ჰა):

ტყის ზონა -  აზოტის სასუქი — 40-50; ფოსფორის — 60-90; კალიუმის — 40-60;

ტყესტეპის/სტეპის ზონა (შავმიწა ნიადაგში) - აზოტის სასუქი — 20-30; ფოსფორის — 40-60; კალიუმის — 30-40.

სასუქის გადანაწილების შემდეგ ფარცხვის ჯერი მოდის, რომელიც რამდენიმე დღეს გრძელდება. მიწის ქვედა ფენის მოხვნა, გაფხვიერება და გათანაბრება მძიმე ბორბლიანი მექანიზმებით ხდება (განსაკუთრებით დიდ ტერიტორიაზე ტრაქტორსაც იყენებენ), ხოლო ზედასი - მიკროკულტივატორებით.

თესვა

სანამ თესვას დაიწყებდეთ კიდევ ერთხელ დარწმუნდით, რომ ნიადაგის ზედა ფენა არის წვრილბელტოვანი და თავისუფალი ყველანაირი ნაგვისგან. დიდი ბელტების დასაშლელად გამოიყენეთ ფოცხი, შემდეგ კი ზედაპირს 75-100 კგ.-იანი სატკეპნი გადაატარეთ, რომელსაც ხორკლიანი ზედაპირი ექნება.

წვრილი თესლი ნიადაგში 0.5-2 სმ.-ზე უნდა ჩავიდეს, მსხვილი კი - 2-3სმ.-ზე. შემდგომ საჭიროა ფოცხითა და სატკეპნით ხელახლა დამუშავდეს ზედაპირი.

მშრალ ამინდში მიწა თესვამდე აუცილებლად უნდა მოირწყას. თესვის დასრულებისთანავე კი ტორფიანი ნამცეცები მოიყაროს, რათა ბალახი უფრო თანაბრად და ურთიერთშეწყობილად ამოვიდეს.

ბალახის მოვლა

ბალახის მოვლა შემდეგ ღონისძიებებს მოიცავს:

• დროული თიბვა,
• სასუქის შეტანა,
• სარეველებთან ბრძოლა,
• ბელტების მექანიკური დამუშავება,
• მავნებლებისა და დაავადებებისგან დაცვა;

როდესაც ბალახი 8-10 სმ.-ს მიაღწევს პირველად მაშინ უნდა მოითიბოს. აუცილებელი რეგულარულად მორწყათ (15-20სმ სიღრმეზე)  და გაათავისუფლოთ სარეველებისგან.

პატარა ნაკვეთზე შეგიძლიათ ბალახი მორწათ წყალგაყვანილობის სისტემით, რომელსაც საშხეფი თავები აქვს მიმაგრებული.

გაზონები უნდა მოითიბოს საშუალოდ 5-ჯერ სეზონზე. ითიბება სპეციალური მანქანების საშუალებით. ყოველი მომდევნო გასათიბი ზოლი საწინააღმდეგო მიმართულების უნდა იყოს.

სულ ეს იყო.

ახლა თქვენ გაქვთ მიახლოებითი წარმოდგენა, რა პროცედურები უნდა გაიაროთ იმისთვის, რომ ლამაზი, მწვანედ მობიბინე ბალახის საფარით იყოს დაფარული თქვენი ეზო.

გისურვებთ წარმატებებს!