როგორ ავარჩიოთ გამათბობელი რადიატორი? რადიატორის ტიპები

ვინც სახლში რემონტის გაკეთება გადაწყვიტეთ, ახლავე უნდა დაიწყოთ ფიქრი იმაზე, რა ტიპის გათბობის გაკეთებას აპირებთ.

გაზის გამათბობლებმა უკვე დაკარგა აქტუალობა და ნელ-ნელა ყველა ცენტრალურ გათბობის სისტემას უბრუნდება.

მართალია, არსებობს მრავალი კომპანია, რომელიც კომპეტენტურად აგიხსნით, რა არის მნიშვნელოვანი და გასათვალისწინებელი, მაგრამ ურიგო არ იქნებოდა, თქვენც გქონოდათ წარმოდგენა ამ თემასთან დაკავშირებით.

პირველ რიგში აუცილებლად გასათვალისწინებელია ის ფაქტი, რომ გათბობის შერჩევა-დამონტაჟებამდე უნდა გააკეთოთ იმ ადგილის თბოპროექტი, სადაც გსურთ ცენტრალური გათბობის დაყენება.

სხვადასხვა ადგილს განსხვავებული თბოდანაკარგი აქვს, რაც აუცილებლად გასათვალისწინებელია რადიატორების გადანაწილებისას და სიმხურვალის დაყენებისას. თბოპროქტში იწერება :

• ადგილმდებარეობა
• რითია კედლები ნაშენები
• სართული
• ბინა კუთხისაა თუ შუა და ა.შ.

მას შემდეგ, რაც ხელში გექნებათ მსგავსი პროექტი, შეგიძლიათ იფიქროთ ცენტრალური გათბობის დაყენებაზეც.

ახლა ვისაუბროთ სხვადასხვა მასალის რადიატორებზე, მათ დადებით და უარყოფით მხარეებზე. მაშ ასე, რადიატორების 4 ტიპი არსებობს:

1. ალუმინის;
2. ბიმეტალის;
3. ფოლადის;
4. თუჯის.

განვიხილოთ ყველა ცალ-ცალკე

ალუმინის რადიატორი

მსუბუქი, გამძლე, საიმედო და ესტეთიური გამათბობელი, რომელსაც აქვს კარგად განვითარებული ზედაპირი. აქვსს მაღალი თბოგაცემის კოეფიციენტი.

დადებითი:

• მაღალი თბოგაცემის კოეფიციენტი;
• უძლებს მაღალ წნევას;
• ელეგანტური დიზაინი;
• დაბალი წონა;
• დაბალი ფასი.

უარყოფითი:

• კოროზიის საშიშროება;
• ზოგჯერ საჭიროებს ჰაერის გამოდევნას;
• ყველაზე სუსტი ადგილი - გადაბმები.

ბიმეტალური რადიატორები:

გაორმაგებული კონსტრუქცია, რომელიც ორმაგად გამძლეა. ბიმეტალური რადიატორები ალუმინის რადიატორებივით კარგად იტანს მაღალ წნევას და ასევე საკმაოდ გამძლეა კოროზიის მიმართ. ასეთი ტიპის გამათბობლებს ნაკლებად იყენებენ კერძო სახლებში და კოტეჯებში. უფრო გამართლებულია მისი დაყენება მრავალსართულიან სახლებში და ოფისებში.

დადებითი:

• მაღალი თბოგადაცემა;
• გამძლეობა;
• ალუმინის რადიატორზე მეტ წნევას უძლებას;
• ელეგანტური დიზაინი.

უარყოფითი:

• მაღალი ფასი;
• მოიხმარს მეტ ენერგიას სითბოს გამოსამუშავებლად.

ფოლადის რადიატორები:

ძირითადად განკუთვნილია ინდივიდუალური გათბობის სისტემებისთვის. ხასიათდება ნაკლები ინერციულობით და მარტივი დიზაინით.ასეთი რადიატორები ორი ფოლადის ფირფიტისგან მზადდება, რომლის სისქეც 1.25 მმ.-ია. მისი უპირატესობა მყისიერ რეაგირებაშია ანუ გათბობა და შემდეგ გაგრილება ძალიან მალე ხდება.

დადებითი:

• გრძელვადიანი საექსპლოატაციო გამძლეობა;
• ფასის და ხარისხის შესაბამისობა;
• მაღალი თბოგადაცემა.

ურყოფითი:

• დაჟანგების მაღალი ალბათობა;
• ცუდად რეაგირებს ჟანგბადზე, რომელიც შეიძლება მილების სისტემით მოხვდეს.

თუჯის რადიატორები:

ასეთი რადიატორები ითვლება კლასიკად. ხასიათდება მაღალი გამძლეობით კოროზიისადმი და ასევე მაღალი წნევისადმი. გამოიყენება მრავალ ქვეყანაში.

დადებითი:

• დიდხანს ინარჩუნებს სითბოს;
• გამძლე;
• უძლებს მაღალ წნევას;
• მარტივი გამოსაყენებელია;
• დაბალი ფასი.

უარყოფითი:

• დიდი ხანი ცხელდება;
• ტემპერატურის სწრაფად ცვლილების საშუალებას არ იძლევა;
• დაბალი თბოგადაცემა;
• საჭიროებს შეღებვას პერიოდულად;
• სითბოს მხოლოდ თავის მიმდებარე ტერიტორიაზე გასცემს, შესაბამისად თანაბრად ვერ ნაწილდება ტემპერატურა.

ეს არის ძირითადი მახასიათებლები, რომელიც აუცილებლად უნდა გაითვალისწინოთ, თუკი ცენტრალური გათბობის დაყენებას გადაწყვეტთ.

გისურვებთ წარმატებას!