როგორ დავამონტაჟოთ ფარდა-ჟალუზი?
ალბათ ყველას გვქონია მომენტი, როდესაც გვიფიქრია, როგორი ფარდა გამოვიყენოთ სახლებში. რატომღაც იქმნება შთაბეჭდილება, თითქოს ფარდა-ჟალუზი ოფისებისთვისაა მხოლოდ და მხოლოდ განკუთვნილი, თუმცა ეს ასე არ არის.
მთავარია ვიცოდეთ, რა მასალის ფარდა-ჟალუზი უნდა ავარჩიოთ ამა თუ იმ ოთახისთვის.
ფარდა-ჟალუზის მასალის არჩევისას, აუცილებლად გასათვალისწინებელია ის, თუ რომელ ოთახში იქნება იგი დაკიდებული. სააბაზანოსა და სამზარეულოსთვის ყველაზე კარგი იქნება პლასტიკური ფარდა-ჟალუზები - მათთვის არ არის საშიში ნესტი და ისინი მარტივად იწმინდებიან. სამზარეულოსთვის ასევე შეიძლება ალუმინის ფარდა-ჟალუზი, რომელიც არ იწვის.
ახლა გადავიდეთ უშუალოდ ზომების აღებასა და დამონტაჟებაზე
- როგორ ავიღოთ ზომები?
ფარდა-ჟალუზის დამონტაჟება ფანჯრის ღიობებში.
(ფანჯარა მდებარეობს კედლის შეწეული ნაწილში)
ფარდა-ჟალუზის სიგანე უდრის ფანჯრის ღიობს გამოკლებული 4სმ (ორივე მხრიდან ორ-ორი სმ). ფარდა-ჟალუზის სიმაღლე უნდა იყოს, არანაკლებ ფანჯრის ღიობის სიმაღლეს გამოკლებული 2სმ. დატოვეთ თავისუფალი ადგილი ფარდა-ჟალუზსა და ფანჯრის ზედა მხარეს შორის იმისთვის, რომ იგი თავისუფლად იხსნებოდეს ფარდა-ჟალუზების აწევის შემდეგ.
როგორ დავამონტაჟოთ პლასტიკური ფარდა-ჟალუზები არა ფანჯრის ღიობში.
(ფანჯარა მდებარეობს კედლის შეწეული ნაწილში)
ფარდა-ჟალუზის სიგანე უდრის ფანჯრის ღიობს მიმატებული 10სმ (ორივე მხრიდან ხუთ-ხუთი სმ). ფარდა-ჟალუზის სიმაღლე უნდა იყოს, არანაკლებ ფანჯრის ღიობის სიმაღლეს მიმატებული 10სმ. შეამოწმეთ, გაიხსნება, თუ არა ფანჯარა, ფარდა-ჟალუზების აწევის შემთხვევაში.
ფარდა-ჟალუზის დამონტაჟება ფანჯრის ფრთაზე.
(ფარდა-ჟალუზი მონტაჟდება პირდაპირ ფაჯრის ფრთაზე და ფანჯარასთან ერთად იღება.)
ფარდა-ჟალუზის სიგანე უდრის შუშის სიგანეს მიმატებული 3სმ (ორივე მხრიდან ერთნახევარი სმ). ფარდა-ჟალუზები უნდა იყოს განლაგებული ისე, რომ არ შეუშალოს ხელი სახელურის ტრიალს.
ფარდა-ჟალუზის დამონტაჟება ფანჯრის ღიობს გარეთ.
(ფანჯარა მდებარეობს ერთ სიბრტეზე კედელთან.)
რადგან ფანჯრის სახელური შემოწეულია ოთახს შიგნით, აუცილებელია გამოვიყენოთ „ფრჩხილები“ , რომლებიც საშუალებას გვაძლევს დავამონტაჟოთ ფარდა-ჟალუზი, ფანჯრისგან დაშორებით.ფარდა-ჟალუზის სიგანე უდრის ფანჯრის სიგანეს მიმატებუილ 20სმ (ორივე მხრიდან ათ-ათი სმ). ეს მოწყობილობა დაგვეხმარება ეფექტურად დავაბნელოთ ოთახი. ფარდა-ჟალზუის სიმაღლე უნდა იყოს არანაკლებ ფანჯრის სიმაღლეზე.
- როგორ დავამონტჟოთ?
- გამოიყენეთ დუბელები და ხრახნები,რომლებიც შეესაბამება სამაგრებს კედელს ან ჭერს, რომლებზეც იქნება დამონტაჟბული ფარდა-ჟალუზები.
- მანამ, სანამ დაამონტაჟებთ სამაგრებს, შეამოწმეთ ხელს ხომ არ უშლის ფარდა-ჟალუზი ფანჯრის გახსნას.
- გირჩევთ, ყურადღებით შეხედოთ, ხომ არ უშლის ხელს ფანჯრის სახელურები, ყვავილების ქოთნები და სხვა ნივთები ფარდა-ჟალუზის გახსნა-დახურვას.
- გაზომეთ თანაბარი დაშორება ფანჯრის ორივე ბოლოდან.
- გაზომეთ პირველი სამაგრის ადგილმდებარეობა.
- გაბურღეთ კედელი და დააყენეთ დუბლი, რომელიც შეესაბამება კედლის აგებულებას(ბეტონი, გიფსი ა.შ), შემდეგ გაამაგრეთ სამაგრი ხრახნებით.
- დონისა და სახაზავის დახმარებით, გაზომეთ მეორე სამაგრის ადგილმდებარეობა. პირველის ანალოგიურად დაამონტაჟეთ მეორე სამაგრი.
- ჰორიზონტალური ფარდა-ჟალუზის დასაყენებლად, საჭიროა გამოვიყენოთ დამატებითი სამაგრი, იმ შემთხვევაში, თუ ფარდა-ჟალუზის სიგანე აღემატება გარკვეულ მანძილს. ჰორიზონტალური ფარდა-ჟალუზის, რომლის სიგანე აღემატება 1.6მ-ს, ჭერზე დასამაგრებლად, აუცილებელია სამი „სამონტაჟო ფრჩხილი“.
- დამატებითი სამაგრი დაამონტაჟეთ 10სმ დაშორებით, რეგულარული კაბელისგან. (ამ ადგილას მექანიზმი განიცდის მაქსიმალურ დატვირთვას.
- დაამაგრეთ ფარდა-ჟალუზები სამაგრებზე.
- როგორ დავჭრათ ფარდა-ჟალუზი.
ჰორიზონტალური ფარდა-ჟალუზის ჭრა
ფარდა-ჟალუზების ჭრა სიგანეზე :
- დახურული ფარდა-ჟალუზები დადეთ ჰორიზონტალურ ზედაპირზე და ორივე მხრიდან გაზომეთ ის ადგილი, რომელიც უნდა გადაიჭრას. აუცილებელია ფარდა-ჟალუზის ტოლი ნაწილები გადაიჭრას მარცხნიდან მარჯვნივ.
- არ დაგავიწყდეთ ის, რომ რაფა უნდა დაიფაროს, რათა იგი არ დაზიანდეს.
ფარდა-ჟალუზების ჭრა სიმაღლეზე:
- ამოიღეთ დეტალები, რომლებიც არიან მოთავსებულნი ქვედა „კარნიზის“ ქვეშ, ისე , რომ გავათავისუფლოთ ზონარი.
გახსენით კვანძები, რათა გაათავისუფლოთ ფირფიტა („ლამელი“)
- ამოიღეთ ზედმეტი ფირფიტები („ლამელები“) იმისთვის, რომ ფარდა-ჟალუზის აუცილებელ სიმაღლეს მიაღწიოთ.
- გაასწორეთ ფარდა-ჟალუზები, ქვედა „კარნიზის“ ბოლოში ჩადებით.
- მოჭერით ზონარის ბოლოები, შეკარით კვანძები.
დახვეული ფარდების (რულონური) ჭრა:
- მეტალისთვის განკუთვნილი დანით მოჭერით მილი და ქვედა „კარნიზი“
- ნაჭერი მოჭერით მაკრატლით. თუკი ფარდაზე გამოსახულია ნახატი, აუცილებელია მოიჭრას ტოლი ნაწილები მარცხნიდან მარჯვნივ.
ვერტიკალური ფარდა-ჟალუზების ჭრა:
- ფირფიტები (ლამელები) მარტივად იჭრება და მონტაჟდება.
- მოჭერით ფირფიტები (ლამელები) მაკრატლით საჭირო სიმაღლეზე, შეფუთვაზე დატანილი ინსტრუქციის მიხედვით. მოჭერით კონტროლირებად რელსი მეტალის საჭრელი დანით.
გისურვებთ წარმატებას!
