შტეფსელის დამონტაჟება

ძველად ოთახში ორი შტეფსელი სრულებით საკმარისი იყო, ახლა კი ასე აღარ არის. ყოველდღიურად იმდენ მოწყოლბილობას ვიყენებთ, რომ წარმოიქმნა საჭიროება შტეფსელების რაოდენობა, მინიმუმ, გავაორმაგოთ.

რა თქმა უნდა, შეიძლება შტეფსელის დამატება სპეციალისტებს ანდოთ, თუმცა ასევე შესაძლებელია, ეს თქვენითაც გააკეთოთ. თუმცა სანამ საქმეს შუდგებოდეთ, უნდა იცოდეთ რამდენიმე მნიშვნელოვანი დეტალი შტეფსელი დაყენებაზე.

• დასახლებულ შენობებში შტეფსელის დამონტაჟება ყოველ 5-10 კვადრატულ მეტრზეა დასაშვები.
• გახსოვდეთ, რა სამუშაოსაც არ უნდა ატარებდეთ, იქნება ეს უბრალოდ შტეფსელის გამოცვლა, ახალის დაყენება თუ მთელი ელექტროობის შეცვლა, პირველ რიგში იმ ოთახში სრულებით უნდა გათიშოთ დენი ელექტროგამანაწილებლიდან, რომელიც ძირითადად კიბის მხარეს მდებაორეობ ხოლმე, და ჩართოთ მხოლოდ მას შემდეგ, რაც სრულებით დაასრულებთ სამუშაოებს.
• სასურველი არ არის
• შტეფსელის დაყენება ისეთ ადგილებში, სადაც მაღალია ტენიანობა, ასეთი ადგილია მაგალითად სააბაზანო ოთახი. თუმცა, ყველამ ვიცით, რა რთულია სააბაზანოში შტეფსელის გარეშე ყოფნა. შესაბამისად გაითვალისწინეთ, რომ მანძილი შტეფსელსა და  დამიწებულ ადგილებს (ხელსაბანი ნიჟარა, არმატურა, მილები) შორის უნდა იყოს მინიმუმ 50 სმ ხოლო მიწიდან - 0.5 – 1 მ.

როდესაც დაიწყებთ მონტაჟს, შეარჩიეთ და ფანქრით მონიშნეთ ადგილი, სადაც გსურთ დაამატოთ შტეფსელი. გაზომეთ მანილი გამანაწილებელი ყუთიდან შტეფსელამდე, რათა გამოთვალოთ საჭირო კაბელის სიგრძე. დაგჭირდებათ ასევე ბუდე, იგივე სამონტაჟო ყუთი. გადაამოწმეთ კიდევ ერთხელ, რომ ოთახში დენი გათიშულია და შეუდექით საქმეს.

პირველ რიგში კედელი უნდა გაიხვრიტოს სამონტაჟო ყუთის ზომაზე. ამისთვის ელექრტოსაბურღის ფიქსატორში მოათავსეთ ბურღის თავი, რომელსაც გვირგვინი ეწოდება. თუ ასეთი თავი არ გაქვთ, შეიძლება ფანქრით მოხაზოთ კედელზე მომავალი შტეფსელის ფორმა, გახვრიტოთ საბურღით და მერე ჩაქუჩის და კბილანის მეშვეობით ამოამტვრიოთ დანარჩენი ნაწილები, იქამდე, სანამ შტეფსელის ბუდის ფორმას არ მიიღებთ.

ბუდის გაკეთების შემდეგ, გაყვანილობისთვის ღარის შესაქმნელად გამოიყენეთ კუთხესახეხი (იგივე „ბალგარკა“) ან ღოჯი და ჩაქუჩი.

ასე შეიქმნება სივრცე, სადაც უნდა დაამონტაჟოთ შტეფსელი.

ჩასვით ბუდეში სამონტაჟო ყუთი და კარგად დაამაგრეთ. ამის შემდეგ ღარიდან გამოწიეთ სადენები.

არ დაგავიწყდეთ მარაგის გაკეთება, რადგან ზოგჯერ სადენები მიერთებისას იწვება და მათი დაგრძელება ხდება საჭირო.

შემდგომ აიღეთ თაბაშირი და ამოავსეთ ღრმული, რომელშიც საკაბელო ყუთი და მავთულებია მოთავსებული. დაელოდეთ გაშრობას.

კლემეების ხუნდის დახმარებით ფრთხილად შეაერთეთ ელექტროსადენები. კლემეების ხუნდები გათვლილია სადენების სხვადასხვა თავებისთვის და ამიტომ ყველაზე მოსახერხელებელია გამოსაყენებლად.

საბოლოო ნაბიჯი არის შტეფსელის დამონტაჟება. მოუშვით ხრახნები, მას შემდეგ, რაც საკაბელო ყუთს მიამაგრებთ, ისევ მოუჭირეთ. დარწმუნდით, რომ კაბელები კარგად მუშაობს და შტეფსელიც დაყენებულია, შეგიძლიათ ჩართოთ ელექტროობა ოთახში.

გისურვებთ წარმატებას!