თბოსაიზოლაციო მასალის უპირატესობები და უნიკალური თვისებები
დავიწყოთ მარტივი კითხვით:
რაში გვჭირდება თბოიზოლაცია?
პასუხიც მარტივია: თბოიზოლაცია გვაძლევს საშუალებას, შენობა-ნაგებობები გავათბოთ თუ გავარგილოთ მარტივად და ეკონომიურად. გარდა ამისა, მას აქვს უნარი შეასრულოს ბგერაიზოლაციის როლიც.
ეს მარტივი ეტაპი გავიარეთ. ახლა იწყება მთავარი, რომელი მასალა უნდა ავირჩიოთ?
ეს კითხვა გვაწუხებს ყოველთვის, როდესაც საქმე რემონტზე მიდგება. გვინდა ხარისხიანი, შედარებით ხელმისაწვდომი და, მოკლედ, ყველაფერი, რაც ჩქარა, კარგად და იაფად კეთდება.
უფრო და უფრო მეტი მწარმოებელი წარმოგვიდგენს სხვადასხვა სახის თბოსაიზოლაციო მასალას, რომელიც გადასარევად ერგება შენობა-ნაგებობებს.
დღეს წარმოგიდგენთ ერთ-ერთ გამორჩეულ თბოსაიზოლაციო მასალა Rockwool-ს.
ახლა ორი სიტყვით იმის შესახებ, თუ რატომ გადავწყვიტეთ განსაკუთრებით გამოვყოთ ეს ბრენდი:
- საკმაოდ ბევრი მწარმოებელი დაინტერესდა მისი წარმოებით.
- მომხმარებელში დიდი პოპულარობით სარგებლობს.
- აქვს უნიკალური და სხვებისგან გამორჩეული თვისებები, რომელზეც ნამდვილად ღირს ყურადღების გამახვილება.
Rockwool-ის უნიკალური თვისებები:
- ხანძარსაწინააღმდეგო უსაფრთხოების მაღალი მაჩვენებელი. Rockwool-ის მასალა თითქმის არ იწვის, შესაბამისად მისი გამოყენება შესაძლებელია ფაქტიურად ყველგან.
- ნედლეულის ეკოლოგიური სისუფთავე. მისი დამზადებისას გამოიყენება თანამედროვე ტექნიკა, რაც განაპირობებს იმას, რომ Rockwool ყველა დადგენილ ნორმას სრულებით შეესაბამება.
- ორთქლგამტარობა. Rockwool-ში ეს მაჩვენებელი იმდენად მაღალია, რომ საერთოდ არ აფერხებს სივრცეში ჰაერის მასების ნორმალურ მიმოქცევას. აქედან გამომდინარეობს ის, რომ ამ მასალის გამოყენება, ყველა ტიპის შენობა-ნაგებობებში იქნება რელევანტური.
- შესანიშნავი აკუსტიკური მაჩვენებლები. ზემოთ აღვნიშნეთ, რომ ზოგი თბოიზოლატორი, ასევე ხმაურის იზოლაციასაც ახდენს. სწორედ ამის ერთ-ერთი მაგალითია Rockwool. მას აქვს ძალიან კარგი ხმაურის იზოლაციის პარამეტრები, რაც ამცირებს ქუჩიდან შემომავალ ხმაურს და, შესაბამისად, ნაკლებად გიწევთ დამატებით მასალებზე და ხარჯებზე ფიქრი.
- მინიმალური შეკუმშვა (შემცირება) ზომაში. Rockwool შეიძლება გამოიყენოთ, როგორც სარემონტო სამუშაოებისას, ასევე შენებისას. ეს ყელაფერი იმიტომ, რომ მას ახასიათებს მინიმალური შეკუმშვა, რაც იშვიათია თბოსაიზოლაციო მასალებში.
- სიმკვრივის არჩევის საშუალება. როგორც უკვე ვახსენეთ, Rockwool საკმაოდ მოთხოვნადი თბოსაიზოლაციო მასალაა, შესაბამისად მწარმოებლები მას ბევრნაირი სახით უშვებენ. აქედან გამომდინარე არჩევანი დიდია და ყველა მშენებელს თუ მუშას შეუძლია მოძებნოს მისთვის სასურველი სიმჭიდროვის მასა.
- მარტივად დამუშავებადი და დასამონტაჟებელი. გარდა იმისა, რომ ხარისხიან მასალას ვნატრობთ, ასევე მნიშვნელოვანია, მისი გამოყენების სიმარტივე. არავის სურს ისეთ რთულ საქმეს შეეჭიდოს, გეგონება მუსიკის მასწავლებელი მენდელეევის პერიოდულ სისტემას იზეპირებდეს. მოკლედ, ბოლო და უმთავრესი უპირატესობა, რაც Rockwool-ის მასალას აქვს არის ის, რომ უმარტივესია დამუშავებისას და, ფაქტიურად, ნებისმიერი ხელთარსებული ინსტრუმენტით შეძლებთ ამის გაკეთებას. ხოლო რაც შეეხება მონტაჟს, მას თავს ნებისმიერი დამწყები გაართმევს.
