ეზოს და სახლის გასალამაზებლად ხშირად სხვადასხვა დეკორაციებს მაღაზიებში ვეძებთ, თუმცა ხშირად გვიჩნდება სურვილი ისეთი ნივთები გვქონდეს, რომელიც სხვებს არ აქვთ.
არსებობს საკმაოდ მარტივი გზაბი იმითვის, რომ თქვენთვის სასურველი დეკორაციები საკუთარი ხელით დაამზადოთ.
დღევანდელ პოსტში განვიხილავთ რამდენიმე დეკორაციას, რომელიც ცემენტის მეშვეობით კეთდეება და შეგიძლიათ გამოიყენოთ ისეთი ნივთები, რომლის გადაგდებასაც აპირებდით.
რბილი სათამაშოების დეკორაციები ცემენტისგან ეზოსთვის
დაგჭირდებათ:
- ცემენტი;
- რბილი სათამაშო;
- ხელთათმანები;
- სათავსო ცემენტის მოსაზელად;
ვისაც სახლში მცირეწლოვანი ბავშვი ჰყავს, იცის, რასთან არის დაკავშირებული ძველი რბილი სათამაშოების სახლიდან გატანა, რომელიც დროთა განმავლობაში ბავშვებს აღარ აინტერესებთ და ამასთანავე მტვრის ბუდე ხდება.
თქვენ შეგიძლიათ ეს რბილი სათამაშოები ეზოს ძალიან ლამაზ დეკორაციად აქციოთ.
მაშ ასე.
გახსენით ცემენტი წყალში. სასურველია ჭურჭლის სიღრმე ემთხვეოდეს რბილი სათამაშოს სიგრძეს. მას შემდეგ, რაც ცემენტი მზად იქნება, აიღეთ რბილი სათამაშო და კარგად ჩაალბეთ თხევად ცემენტში. დეკორაციის დამზადებისას აუცილებლად იხმარეთ ხელთათმანი. შეეცადეთ ცემენტი თანაბრად გადაანაწილოთ სათამაშოზე და აცადეთ გაშრობა. თქვენი ეზოს ლამაზი დეკორაციაც მზადაა. შეგიძლიათ გამშრალი დეკორაცია სასურველ ფრად შეღებოთ.
გაითვალისწინეთ, რაც ნაკლებად ბუსუსიანია სათამასო მით უკეთესად გადანაწილდება ცემენტი ზედაპირზე.
ყვავილის ქოთანი ცემენტისგან
ჯერ კიდევ ბევრს აქვს შემორჩენილი ძველი, რეზინის საცურაო ქუდები, რომელსაც სხვადასხვა ორნამეტი აქვს ამოკვეთილი. ახლა მოგიყვებით, რაში შეიძლება მათი გამოყენება.
აიღეთ ჭურჭელი და გახსენით მასში ცემენტი და წყალი. შემდეგ გადაჭიმეთ რეზინის ქუდი ორნამენტებით სათლზე. ისე რომ ძირამდე საკმაო ადგილი იყოს დარჩენილი.
ჩაასხით ცემენტი რეზინის ქუდში და ჩადგით მასში ჩვეულებრივი ქოთანი, რომელშიც აუცილებლად ჩადეთ ქვა ან რამე მძიმე ნივთი სიმძიმისთვის (ძალიან ნუ გადააჭარბებთ. საჭიროა ქოთანი მყარად და ღრმად ჩაჯდეს ცემენტში ისე, რომ გარედან შეუმჩნეველი იყოს.) აცადეთ გაშრობა, შემდეგ მოაძვრეთ რეზინის გარსი ფრთხილად, რათა ორნამენტები კარგად გამოიკვეთოს ზედაპირზე.
თქვენი ორიგინალური ქოთანიც მზადაა. შეგიძლიათ წებოს მეშვეობით თოკები მიამაგროთ გვერდებზე და დაკიდოთ ეზოში, ან შეიძინოთ სპეციალური ჩამოსაკიდი ბადეები, რომელშიც მოათავსებთ ქოთანს და ისე დაკიდებთ სასურველ ადგილას.
ყავის ან ქოთნის სამფეხა სადგამი ეზოსთვის და სახლისთვის
კიდევ ერთი ნივთი, რომელიც დაამშვენებს თქვენს გარემოს და თანაც, თქვენი ხელით იქნება გაკეთებული. ეს ორიგინალური სამფეხა სადგამებია.
გახსენით ცემენტი წყალში ისეთი დიამეტრის ჭურჭელში, როგორი დიამეტრისაც გსურთ იყოს თქვენი სადგამის თავი.
მოიმარაგეთ სამი თანაბარი ზომის ხის ჯოხი (რომლებიც სადგამის ფეხების როლს შეასრულებენ) და ჩადეთ ცემენტში. სასურველია გვერდები თვითწებვადი ფირით (სკოჩით) მიამაგროთ ჭურჭელზე, რომ თავიდან აიცილოთ მათი მოძრაობა. აცადეთ ცემენტს კარგად გაშრობა, შემდეგ დადგით სადგამი ფეხებზე, მოაცილეთ წურჭელი, გაუშალაშინეთ უსწრომასწორობები და თქვენი სადგამიც მზადაა.
ცემენტით კიდევ უამრავი საინტერესო ნივთის დამზადება შეგიძლიათ, რაზეც მომავალ პოსტებში მოგიყვებით.
გისურვებთ წარმატებას!
