ყველა ჩვენგანისთვის დგება მომენტი, როდესაც გვიწევს ძველ ავეჯთან დამშვიდობება და მისი ახლით ჩანაცვლება.
ეს მომენტი სულაც არ არის ცუდი, რადგან ყოველთვის სასიამოვნოა სიახლეების შემოტანა ცხოვრებაში.
თუმცა, სამწუხაროდ ყველას არ აქვს საშუალება, მუდმივად განაახლოს ავეჯი სახლში ან არ სურს ძველ ავეჯთან განშორება.
ასე რომ, გთავაზობთ ხერხს, როგორ გაუკეთოთ ხის მაგიდას თქვენთვის სასურველი დეკორაცია.
ამისთვის დაგჭირდებათ:
გაითვალისწინეთ, რომ თქვენივე უსაფრთხოებისთვის გამოიყენოთ რესპირატორი და ხელთათმანები, იმისთვის, რომ თავიდან აირიდოთ წებოსთან შეხების ან მისი შესუნთქვისგან გამოწვეული დაზიანებები.
მაშ ასე, ვიწყებთ კეთებას:
- დარწმუნდით, რომ მაგიდის ზედაპირი სუფთაა, რათა თავიდან აირიდოთ უსწორმასწორობები.
- კარგად გააუთოეთ ნაჭერი, რომელზეც დატანილი იქნება თქვენთვის სასურველი ნახატი.
- ფუნჯით წაუსვით მაგიდის ზედაპირს წებო. შეგიძლიათ ნაჭერზეც დაიტანოთ, თუმცა მყარი ზედაპირი წებოს წასასმელად ბევრად უფრო მოსახერხებელია.
- ფრთხილად დაადეთ ნაჭერი მაგიდას და კარგად გადაასწორეთ. დარწმუნდით, რომ ზედაპირზე არ დარჩა ნაოჭები.
- თუ ქსოვილი მთელ ზედაპირზეა გადასული, დარწმუნდით რომ გვერდებში კარგად ამოუკეცავთ, თუ არა, მაშინ დატოვეთ მაგიდა ჰაერზე იმისთვის, რომ წებო კარგად შეშრეს.
- მას შემდეგ, რაც წებო გაშრება, აიღეთ ხის ლაქი და რამდენიმე ფენად გადაუსვით მაგიდას. გახსოვდეთ, რომ ყოველი მომდევნო ფენა მას შემდეგ გადაუსვათ, რაც პირველი - კარგად გაშრება. შეეცადეთ ლაქი თანაბრად გადაანაწილოთ მაგიდის ზედაპირზე.
მას შემდეგ, რაც ყველა ეტაპს წარმატებით გაივლით, დატოვეთ მაგიდა 3-4 დღის განმავლობაში ჰაერზე, რათა ლაქის სუნი ბოლომდე გაუყვანოთ.
როგორ გამოიყენებთ განახლებულ ავეჯს, ეს უკვე თქვენზეა დამოკიდებული. მსგავს მაგიდებს ეზოს გასაფორმებლადაც იყენებენ.
ასევე გამოსადეგია ეს ხერხი ხის სკამებზეც.
გისურვებთ წარმატებას!
