ვის არ ქონია სურვილი, სახლში ბუხარი გაეკეთებინა?! შეშის ტკაცუნი, ცეცხლის სითბო რაღაცნაირ მშობლიურ და კომფორტულ აურას ქმნის, რომელიც ალბათ უმეტესობა ადამიანებისთვის საოცნებოა. თუმცა, როდესაც რეალურად ვაფასებთ ბუხრის დამონტაჟების ფაქტს, ვხვდებით, რომ ეს კომფორტი სულ მალე ჩვენი ყოველდღიური თავისტკივილი იქნება.
დამონტაჟების, მოვლისა და შეშის ხარჯი იმდენად მაღალია, აღარც კი გვახსოვს, რომელ კომფორტზე და რომანტიულ გრძნობებზე ვფიქრობდით, როდესაც ბუხრის დაყენება გადავწყვიტეთ. მითუმეტეს რთულია ბუხრის დაყენება მათთვის, ვინც კორპუსის მაცხოვრებელია და ფიზიკურად არ აქვს ამის შესაძლებლობა.
ალბათ იმიტომ, რომ მსურველი ბევრია და ყველას არ აქვს შესაძლებლობა, ნელ-ნელა ტენდენციური გახდა ელექტრო ბუხრების დაყენება სახლებში.
პირველი რეაქცია, რაც ელექტრო ბუხრის გაგონებაზე გვაქვს არის: უფ, ნამდვილი მაინც სხვაა, ამის დენის ფულის ხდა მაკლია და მისთ.
თუმცა გვინდა გითხრათ, რომ ხარჯი, რაც ელექტრო ბუხარის მონტაჟს და მოვლას სჭირდება, გაცილებით დაბალია, ვიდრე - ტრადიციულის.
- ელექტრო ბუხარი წვავს დაახლოებით იმდენივე დენს, რამდენსაც ჩვეულებრივი ყავის აპარატი.
- ტრადიციულისგან განსხვავებით ელექტრო ბუხარი არ საჭიროებს განსაკუთრებულ მოვლას ანუ არ გჭირდებათ პერიოდულად საკვამურის გაწმენდა, შეშის მოტანა, ბუხრის გამოწმენდა დაგროვილი ნაცარისგან და ა.შ.
- ბოლო პერიოდში იმდენნაირი დიზაინის ელექტრო ბუხარი შემოვიდა, რომ ძალიან ლამაზად ჯდება ყველა სახის დიზაინში.
- გარდა ამისა, ელექტრო ბუხარი შეგიცვლით გამათბობელსაც.
ელექტრო ბუხარი შედგება ორი ძირითადი კომპონენტისგან: სითბო, რომელსაც ის გამოსცემს და ოთახში ხშირად გამათბობელის მაგივრობასაც სწევს და ეკრანი, რომელზეც ნამდვილი ცეცხლის ვიზუალია ასახული (ეკრანი საჭიროებს ჩვეულებრივ შტეფსელს, იმისთვის რომ იმუშაოს და არანაირ ზედმეტ ძალისხმევას არ მოითხოვს თქვენგან).
რაც შეეხება ბუხარის მოვლას, არც ეს არის განსაკუთრებული პრობლემა. ტრადიციულისგან განსხვავებით, მას არ სჭირდება შიგნიდან წმენდა, საკვამურის გასუფთავება და ა.შ. საკმარისია ეკრანს მტვერი გადაუსვათ და სულ ეს არის.
დიოდური განათება, რომელიც ცეცხლის ეფექტის შესაქმნელად გამოიყენება საკმაოდ დიდხანს მუშაობს. თვითონ მოწყობილობა და მონტაჟიც არ არის ძვირი.
ბოლო და ყველაზე მნიშვნელოვანი მიზეზი, რატომ ღირს ელექტრო ბუხრის დაყენება.
ის არ უქმნის საფრთხეს თქვენს ჯანმრთელობას, რადგან არ იწვის მავნე ნივთიერებები, როგორც ეს ტრადიციული ან გაზის ბუხრის ქონის შემთხვევაში ხდება. გარდა ამისა, შუშის ეკრანი, უმეტეს შემთხვევაში გრილია, რაც საკმაოდ მოსახერხებელია, თუკი სახლში გყავთ მცირეწლოვანი ბავშვი ან შინაური ცხოველი.
ელექტრო ბუხარი გაძლევთ საშუალებას აიხდინოთ ოცნება ზედმეტი ფიზიკური, მატერიალური თუ მორალური დანახარჯების გარეშე. ამასთანავე დამატებითი ფუნქციები: დისტანციური მართვა, დიზაინის ფართო არჩევანი, ტემპერატურის რეჟიმების მრავალფეროვნება და ჰაერის ფილტრები გვაძლევს უფლებას გითხრათ, რომ ელექტრო ბუხარი საუკეთესო არჩევანია მათთვის, ვისაც სურს სახლში მყურდო კუთხის მოწყობა ზედმეტი პრობლემების გარეშე.
გისურვებთ წარმატებას!
