ალბათ არ არსებობს ადამიანი, რომელსაც შეხება არ ჰქონია რემონტთან და „პრარაბებთან“. რატომღაც ისე ხდება, რომ ყოველთვის ვაწყდებით პრობლემებს, იმაზე მეტს, ვიდრე ეს წარმოდგენილი გვქონდა, ხშირად ვრჩებით მოტყუებულები და სამუშაო ძალიან იწელება დროში.
ალბათ, პირველ რიგში ეს იმის ბრალია, რომ საკითხში არ ვართ მაინც და მაინც კარგად ჩახედულები, მუშები და „პრარაბები“ კი ადვილად ახერხებენ ჩვენს მოტყუებას.
ამიტომ გადავწყვიტეთ, მოგაწოდოთ ის საბაზისო ინფორმაცია, რომელიც რემონტის შესახებ შეიძლება იცოდეთ, რადგან თქვენი „გაცურება“, შედარებით გავართულოთ. მას შემდეგ, რაც ჩვენს პოსტებს გაეცნობით, დაახლოებით მაინც გეცოდინებათ, რა სახის სარემონტო სამუშაოები ტარდება თქვენს სახლში, მიახლოებით რა დრო სჭირდება, რა სამუშაო მასალები უნდა გქონდეთ და ა.შ.
დღეს ვილაპარაკოთ კერამიკულ ფილებზე.
კაფელი, მეტლახი, რომელიც უმრავლესობისთვის სამზარეულოს და აბაზანის საუკეთესო მოსაპირკეთებელი საშუალებაა.
რატომ სჯობს არჩევანი კერამიკულ ფილებზე შეაჩეროთ: ისინი საკმაოდ გამძლეა, დიდი ხნის განმავლობაში არ ფუჭდება, მარტივია მოსავლელად და თანაც ლამაზია.
როგორ ვარჩევთ კაფელს?!
პირველ რიგში ვიზუალი. შეეცადეთ კარგად წამოიდგინოთ, როგორ გსურთ გამოიყურებოდეს თქვენი ოთახი რემონტის შემდეგ, როგორი ავეჯით უნდა გააწყოთ ან რა ფერის ტექნიკის შეძენას აპირებთ. ეს დაგეხმარებათ აარჩიოთ შესაბამისი ფერის კერამიკული ფილები. დიზაინერების რჩევით, კაფელი და მეტლახი არ უნდა იყოს ძალიან მკვეთრი - ღია, მიმქრალი ტონები ბევრად უკეთესია.
შემდგომ მოდის ტექნიკური მხარე, ფილების რაოდენობის დათვლა. უმჯობესია თქვენით მოიპივოთ ინფორმაცია, რა რაოდენობის კაფელი შეიძინოთ. ამაში დაგეხმარებათ ონლაინ კალკულატორები. გაითვალისწინეთ, რომ იყიდოთ საჭირო რაოდენობაზე 10%-ით მეტი მასალა. ფილების დაგებისას საჭიროა მათი დაჭრა, რაც ზოგჯერ მასალის დაზიანებით სრულებდება, ასე რომ იყავით მზად.
გახსოვდეთ, ზუსტად იმავე ფერის კერამიკის ფილის შეძენა არის ძალიან რთული, რადგან ფილების გამოშვებისას პარტიებს შორის, ყოველთვის არის უმნიშვნელო განსხვავება ფერში. ასე რომ ნუ იფიქრებთ, თითქოს შეგიძლიათ შემდგომ დაამატოთ სამშენებლო მასალა, თუ გაუთვალისწინებელი შემთხვევა მოხდა.
მეორე მნიშვნელოვანი ფაქტი, რაც კერამიკის ფილებს შეეხება. ხშირად, კაფელი თუ მეტლახი ზიანდება ტრანსპორტირებისას ან ქარხანაშივე შეფუთვისას, შესაბამისად საჭირო ხდება ფილების გამოცვლა. თუმცა თუ ამას გაკვრის შედგომ აღმოაჩენთ, ფილას ვეღარ გამოცვლით. შესაბამისად, სანამ გაკვრას დაიწყებდეთ, გახსენით ყველა შეკვრა, ამოიღეთ ფილები, გაშალეთ იატაკზე და კარგად დააკვირდით, აქვს თუ არა ხარვეზი, რათა მერე დამატებითი ხარჯის გაღება არ მოგიწიოთ.
შემდეგ სტატიაში მოგიყვებით, რა პროცესებთან არის დაკავშირებული ფილების გაკვრა.
გისურვებთ წარმატებას!
