დავიწყოთ იმით, რომ ბოლო პერიდოში ლამინატი განსაკუთრებით აქტუალური გახდა. სულ უფრო მეტი ადამიანი ანიჭებს უპირატესობას მას, როდესაც იატაკის საფარის არჩევაზე მიდგება საქმე.
პარკეტისგან განსხვავებით, ლამინატი არის გაცილებით იაფი, მზადდება ხის მასალისგან (გააჩნია ხარისხს), თუმცა აქვე უნდა აღინიშნოს, რომ მარტივად ზიანდება, რის გამოც მის დაგებას დიდ ოთახში არ აქვს აზრი.
რა უნდა გაითვალისწინოთ, როდესაც გადაწყვეტთ ლამინატი დააგოთ სახლში:
- დაგებამდე იატაკის ზედაპირი უნდა იყოს ზუსტად მოსწორებული. ანუ ე.წ. „სწიაშკა“ იდეალურად სწორად იყოს მოსხმული. თუ ასე არ გამოდის, მაშინ სასურველია ზედაპირი წებოცემენტით მოსწორდეს.
- ასევე უმნიშვნელოვანესი დეტალია ღრუბელი, რომელშიც ფული არასდროს დაინანოთ. უხარისხო ღრუბელი მალე დაიწევს და ლამინატიც დაიწყებს ჭრაჭუნს.
- იქინდა გამომდინარე, რომ ლამინატი საკმაოდ ფაქიზი იატაკის საფარია, ის იგება სარემონტო სამუშაოების დასრულებისთანავე, რათა ნაკლები საფრთხე შეიქმნას მისი დაზიანების.
ლამინატის მოვლა ადვილია. საკმარისია კვირაში ერთხელ გაიწმინდოს მტვერსასრუტით და სველი ტილოთი, ოღონდ გაითვალისწინეთ, ამ მასალას არ უყვარს სისველე, ამიტომ ტილო ყოველთვის კარგად გაწურეთ.
რაც არ უნდა იყოს და როგორც არ უნდა შეეცადოთ, დროთა განმავლობაში ლამინატი იჩხაპნება.
იქიდან გამომდინარე, რომ ლამინატი იაფია, ყოველთვის გაქვთ დაშვებული, რომ მალე გაფუჭდება და მოგიწევთ გამოცვალოთ მასალა, თუმცა გვინდა გაგახაროთ და გითხრათ, რომ არსებობს იმის შესაძლებლობა, დაზიანებები თქვენი ხელითვე გახადოთ შეუმჩნეველი და თავიდან აიცილოთ დამატებითი სარემონტო სამუშაოები სახლში.
მაშ ასე, დავიწყოთ:
ცვილის ფანქრები
ეს მეთოდი გამოიყენება მაშინ, როდესაც ნაკაწრები ზედაპირულია. კარგად მოწმინდეთ იატაკი, მოაშორეთ მტვერი და მოაპრიალეთ. ამის შემდეგ წაუსვით დაზიანებულ ადგილს ცვილის ფანქარი, დაელოდეთ შეშრობას და გაწმინდეთ მშრალი, რბილი ქსოვილით.
ნატურალური ცვილი
ეს მეთოდიც შედარებით მარტივი დაზიანებებისას გამოიყენება. მოწმინდეთ იატაკი, გააპრიალეთ იქამდე, სანამ ნაკაწრების შეკეთებას შეუდგებოდეთ. წაუსვით სიგრძეზე დაზიანებულ ადგილს ნატურალური ცვილი, დაელოდეთ შეშრობას და გაწმინდეთ რბილი, მშრალი ტილოთი.
ცხელი მასტიკა
ეს არის უკიდურესი ვარიანტი, როგორ შეიძლება გააქროთ ლამინატიდან ნაკაწრები. გამოიყენება ღრმა და მარტივად შესამჩნევი დაზიანებების შემთხვევაში. გამოყენებამდე კარგად გაასუფთავეთ იატაკი, მოწმინდეთ ტილოთი და წაუსვით დაზიანებულ ადგლს ცხელი მასტიკა. იმოქმედეთ სწრაფად და ფრთხილად. შესაძლოა მასტიკამ ამოწვას ლამინატი, ამიტომ დაინიშნეთ დრო. წასმიდან 2 წუთში გააპრიალეთ იატაკი რბილი ქსოვილით და ნახავთ, რომ ნაკაწრები უკვალოდ გაქრება.
გისურვებთ წარმატებას!
