რამდენჯერ მისულხართ სახლში სამსახურიდან დაღლილი, დამსხდარხართ საჭმელად და შეგიხედავთ თქვენი სახლის კედლებისთვის?!
ალბათ გახსენდებოდათ, დიდ ოთახში ტელევოზორთან, როგორ ააგლიჯეთ შპალერი, როდესაც 2 წლის იყავით და მერე გეჩვენებოდათ, რომ აგლეჯილ ნაწილს თევზის ფორმა ჰქონდა. შემდეგ მზერა გადადის ნალურსმნალ ადილებზე, სადაც ბავშვობაში თქვენს ნახატებს აკრავდით და ვითომ გამოფენას აწყობდით.
მოკლედ, დგება დრო, როდესაც გადაწყვეტთ, რომ ბავშვობის მოგონებები კარგია, მაგრამ სახლი რემონტს საჭიროებს. ჰოდა, ზოგჯერ იმ გადაწყვეტილებამდეც მიდიხართ, რომ შეგიძლიათ, ზედმეტი ხარჯების თავიდან ასაცილებლად ან, უბრალოდ ხალისისთვის, თქვენთვითონვე მოეკიდოთ ამ საქმეს.
ვთქვათ, გადაწყვიტეთ, თავად გააკრათ სახლში შპალერი.
პირველ რიგში იცოდეთ, რა სამშენებლო მასალა და სარემონტო აღჭურვილობა დაგჭირდებათ:
- შპალერი
- შპალერის წებო
- ლილვაკი
- სხვადასხვა ზომის ორი ფუნჯი
- სამშენებლო დანა (რეზაკი)
- შვეული
- სათლი (ვედრო)
იქიდან, გამომდინარე, რომ თქვენით გადაწყვიტეთ რემონტის გაკეთება, ზედმეტი ხარჯებისგან თავის ასარიდებლად, მაშინ ისე უნდა შეგეძლოთ გამოთვალოთ, რამდენი შპალერი გჭირდებათ, რომ სამუშაოს დასრულების შემდეგ არ გადაყაროთ მორჩენილი შპალერი.
მაშ ასე, სტანდარტულ შპალერის რულონში 10 გრძივი მეტრია, რაც დაახლოებით 4 ნაჭერზე გეყოფათ. ეს იმ შემთხვევაში, თუ ჭერის სიმაღლე 2.5 მეტრზე დაბალია.
იმისთვის, რომ დაითვალოთ შპალერის ზუსტი რაოდენობა, გაზომეთ ოთახის პერიმეტრი, გაყავით რულონის სიგანეზე, მიღებული ციფრი გავყოთ იმ ნაჭრების რაოდენობაზე, რომელიც აქამდე გამოვთვალეთ. თუკი შპალერი ნახატიანია, მაშინ აუცილებლად შეიძინეთ ზედმეტი, რადგან მოგიწევთ ნახატები დაამთხვიოთ ერთმანეთს.
მას შემდეგ, რაც საჭირო რაოდენობის შპალერს მოიმარაგებთ, მოამზადეთ კედელი. აუცილებელია ძველი შპალერი ააძროთ ან შეღებილი კედლებიდან მოაშოროთ საღებავი. კედელი უნდა იყოს სუფთა.
დავიწყოთ გაკვრა:
- შვეულის დახმარებით, ჩამოხაზეთ ვერტიკალური ხაზი, კედლიდან დაახლოებით 10-15 სანტიმეტრის დაშორებით.
- დაჭერით შპალერი ფრთხილად, მონიშნეთ ზუსტი რაოდენობა და აიღეთ ოდნავ მეტობით.
- გაამზადეთ შპალერის წებო, ყუთზე მითითებული ინსტრუქციის მიხედვით.
- წაუსვით წებო შპალერს ფუნჯით ან ლილვაკით, შემდეგ გადაკეცეთ კიდეებიდან შუისკენ, რათა კარგად შეიწოვოს წებო.
- შპალერის გაკვრა დაიწყეთ ზემოდან, ვერტიკალური ხაზის გასწვრივ, პერიოდულად აუცილებელია ლილვაკის მეშვეობით კედელსა და შპალერს შორის დარჩენილი ჰაერის გამოდევნა. გაითვალისწინეთ, აუცილებელია ეს პროცესი შუიდან კიდეებისკენ შეასრულოთ. დარცენილი ზედმეტობები მოაჭერით სარემონტო, ბასრი დანით (რეზაკით).
- შემდეგი ჩამოშვება მიაკარით პირი პირზე, უკვე მიკრულ შპალერთან. ამგვარად შეძლებთ გადაბმები ნაკლებ შესამჩნევი გახადოთ.
- გაკვრის შემდეგ გადაატარეთ შპალერს პლატმასის ლილვაკი ან ფრთხილად ჩამოასწორეთ თითით, რადგან დარწმუნდეთ, რომ კარგად მიაკარით.
P.S. თუკი ვერ მიხვედით იმ გადაწყვეტილებამდე, რომ რემონტი გააკეთოთ, ნალურსმნალი ადგილები კედელში შეგიძლიათ ამოავსოთ შესაბამისი ფერის პასტელებით.
თეთრი კედლის შემთხვევაში კი საპნის გამოყენებაც შეგიძლიათ.
გისურვეთ წარმატებას!
