წინა ორი პოსტი კერამიკის ფილებს მივუძღვენით და გადავწყვიტეთ, ბოლომდე ამოვწუროთ ეს თემა. მართალია, კერამიკის ფილების მოვლამ ყველაზე მარტივი პროცედურაა, თუმცა ზოგჯერ სასურველია, მეტად მივაქციოთ ყურადღება იმ ადგილების სისუფთავეს, სადაც ფილები გაქვთ დაგებული, რომ მომავალში თავიდან აირიდოთ ისეთი პრობლემების წარმოქმნა, როგორიც სოკო და ობია.
დღევანდელ პოსტში მოგიყვებით, როგორ მოუაროთ კერამიკის ფილებს ისე, რომ რემონტის შემდეგ დიდი ხნის გამნავლობაში შეინარჩუნოთ ნანატრი სისუფთავე და ბზინვარება.
საჭირო მასალა:
- სათლი (ვედრო),
- ტილო რბილი ქსოვილისგან (საუკეთესო ვარიანტია ბარხატი),
- რბილი ჯაგრისი,
- წყალი,
- მტვერსასრუტი,
- საწმენდი საშუალებები;
პირველი ნაბიჯი არის მშრალი მოწმენდა, როდესაც მტვერსასრუტის, ცოცხის ან ჯაგრისის საშუალებით ზედაპირიდან მოაშორებთ მშრალ ჭუჭყს.
შემდეგი ეტაპი უკვე სველი საშუალებებით წმენდაა.
ყოველდღიური დალაგებისთვის გამოგადგებათ შემდეგი ხსნარი: თბილ წყალში გახსენით რამდენიმე წვეთი შუშის საწმენდი საშუალება. ეს კერამიკის ფილებს ბზინვარებას მიანიჭებს.
გამოიყენეთ სარეცხი საშუალებები, რომელიც არ შეიცავს საპონს და მჟავას.
კერამიკის ფილების მოვლის ეს მეთოდი შესაძლოა თქვენთვის უკვე ნაცნობია. ამიტომაც გადავალთ პატარ-პატარა ხრიკების მოყოლაზე, რომელიც ბევრმა არ იცის, მარტივია და გამოსადეგი, როდესაც ხელთ არ გვაქვს სარეცხი საშუალებები.
მაშ ასე:
- კერამიკის ფილები შეიძლება გაწმინდოთ წყალში გახსნილი ცარცით, რომელიც შემდგომ უბრალოდ მშრალი ტილოთი უნდა მოწმინდოთ. ეს დიდი ხნით შეუნრჩუნებს მეტლახს და კაფელს ბზინვრებას.
- მეორე ხერხი, რომელიც კერამიკის ფილებს ბზინვარებას მიანიჭებს არის ნიშადურის სპირტი. ერთ ლიტრ წყალში 2-3 სუფრის კოვზი ნიშადურის სპირტი გახსენით, ჩამორეცხეთ ფილები და გაწმინდეთ რბილი ტილოთი, სასურველია ზამშის.
- რამდენჯერ ყოფილა, რომ გაზქურასთან კაფელს ცხიმი მიესხმება და ვერაფრით ახერხებთ მის ამოყვანას ბოლომდე?! ალბათ უმეტესობას შეგქმნიათ ეს პრობლემა. ჩვენ გთავაზობთ გამოსავალს. გახსენით 2-3 სუფრის კოვზი ნიშადურის სპირტი სუფრის ძმარში (3-15%-იანი). შეგიძლიათ გაუზავებელი ძმარიც გამოიყენოთ, მაგრამ აუცილებელია წმენდის შემდეგ წყლით ჩამოაშოროთ ზედაპირიდან.
ბოლოს, ყველაზე საინტერესო რჩევა შემოვინახეთ. როდესაც კერამიკის ფილები ახალი დაგებულია, პირველი, სადაც ჭუჭყი ჩნდება, არის შოვები, ანუ ღარები კერამიკის ფილებს შორის. ეს ადგილები ნელ-ნელა იწყებს გაშავებას და ბოლოს იმის საშიშროებაც დგება, რომ იმ ადგილას სოკო გაჩნდება.
მაშ ასე, როგორ ავირიდოთ თავიდან ეს არასასიამოვნო მომენტი.
თქვენ დაგჭირდებათ უბრალოდ სანთელი, რომელსაც წაუსვამთ შოვებს. პროცედურა გაიმეორეთ რამდენჯერმე, რომ დარწმუნდეთ, ყველა ღარი თანაბრად კარგად ამოივსო ცვილით. პარაფინი ხელს უშლის ღარებში წყლის მოხვედრას, რაც დიდი ხნით უნარჩუნებს თქვენს სააბაზანოსა თუ სამზარეულოს სისუფთავეს.
გისურვებთ წარმატებას!
