ცოტა ხნის წინ მოგიყევით, რა ფორმულებით უნდა გამოთვალოთ კონდიციონერის სიმძლავრე ისე, რომ გაგრილების სასურველი ეფექტი მიიღოთ და თანაც, ელექტროენერგიის გადასახადი დიდად არ გაგეზარდოთ.

ამ პოსტში გადავწყვიტეთ მოგიყვეთ, როგორი ტიპის კონდიციონერები არსებობს და რა არის მათი უარყოფითი მხარეები.

მაშ ასე, დავიწყოთ.

კონდიციონერები იყოფა სამ ძირითად ტიპად:

• სპლიტ სისტემა - რომელიც შედგება ორი ბლოკისგან: გარე და შიდა.
• კოლონური - დიდი ზომის კონდიციონერი, რომელიც დიდი ფართობის გასაგრილებლად გამოიყენება.
• მობილური - კონდიციონერი, რომლის პატარა ფართობში გადაადგილებაა შესაძლებელი.

ამჟამად ყველაზე გავრცელებული ტიპი სპლიტ სისტემაა. ის საკმაოდ ეკონომიურია, არ აზიანებს გარემოს და იოლად გამოსაყენებელია.

ახლა მოგიყვებით რა არჩევანი გაქვთ, როდესაც გსურთ კონდიოციონერი დააყენოთ ამა თუ სივრცეში.

ფანჯრის კონდიციონერი

ამ ტიპის კონდიციონერი ადრე საკმაოდ დიდი პოპულარობით სარგებლობდა, რადგან მარტივი დასამონტაჟებელია და იაფი, თუმცა მუშაობისას საკმაოდ მაღალი ხმაურის დონე ახასიათებს, რის გამოც მისი გამოყენება მინიმუმამდეა დასული.

მობილური კონდიციონერი

მობილური კონდიციონერი დგას პატარა ბორბლებზე, რისი მეშვეობითაც შესაძლებელია მისი გადაადგილება სხვადასხვა მიმართულებით, თუმცა მოძრაობის არეალს ზღუდავს შლანგი, რომლის მეშვეობითაც ცხელი ჰაერი გარეთ გადის. ამ ტიპის კონდიციონერის ნაკლია:  მაღალი ფასი და ხმაურის დონე, დაბალი მარგი ქმედების კოეფიციენტი.

კედლის კონდიციონერი

მისი დაყენება შეიძლება ნებისმიერ სივრცეში, რომელიც არ აღემატება 100 კვ.მ.-ს.  მანძილი გარე და შიდა ბლოკებს შორი არ უნდა აღემატებოდეს 5-8 მეტრს. ამ ტიპის კონდიციონერი ყველაზე გავრცელებული და ხელმისაწვდომია.

არხული კონდიციონერი

არხული კონდიციონერი ერთდროულად რამდენიმე ოთახის გასაგრილებლად გამოიყენება. ამონტაჟებენ შეკიდულსა და ფაკტიურ კედლებს შორის. მას შეუძლია სუფთა ჰაერის შემოტანა შენობაში, რის გამოც ცენტრალისებულ სავენტილაციო სისტემებში ამონტაჟებენ, უმეტეს შემთხვევაში.

კასეტური კონდიციონერი

არხულის მსგავსად კასეტური კონდიციონერიც შეკიდულსა და ფაკტიურ ჭერებს შორის მონტაჟდება, თუმცა ამ შემთხვევაში ის მხოლოდ ნაწილობრივ იფარება. ქვედა ნაწილზე მიმაგრებული დეკორაციული პანელი ჭერზე მაინც ჩანს. კასეტური კონდიციონერი ჰაერს ოთხი მიმართულების ანაწილებს, რაც, დაკიდებულ კონდიციონერთან შედარებით, უფრო ეფექტურ გაგრილებას უზრუნველყოფს.

ჭერ-იატაკის კონდიციონერი

ეს არის კედლის და კასეტური ტიპის კონდიციონერების ალტერნატივა. მონტაჟდება ჭერზე ან კედელზე (რადიატორის მსგავსად). ამ ტიპის კონდიციონერი ფარულად ვერ მონტაჟდება, შესაბამისად არ არის აუცილებელი შეკიდული ჭერის არსებობა.

კოლონური კონდიციონერი

კოლონურ კონდიციონერს შედარებით დიდი წარმადობა აქვს, რის გამოც მას შედარებით დიდი ფართობის გასაგრილებლად იყენებენ. მას აქვს დიდი გაბარიტები და წონა, ასევე ძლიერი ჰაერის ნაკადი, რის გამოც მას სჭირდება სპეციფიური განთავსება ფართში.

ახლა უკვე იცით, რა ტიპის კონდიციონერები არსებობს და შეგიძლიათ მიიღოთ სწორი გადაწყვეტილება იმის მიხედვით, თუ სად გსურთ დაამონტაჟოთ გაგრილების სისტემა.

გისურვებთ წარმატებას!